მოგწონთ ნეოფარმის პრეპარატები?
ძალიან კარგია
უკეთესი ჯობია
არ მომწონს
საშინელებაა
» შედეგები
     
ალოეს წვენი 50მლ
პარასამკურნალო საშუალება
წამლის ფორმა:  წვენი.

ათქ კოდი :  A13A.

შემადგენლობა:
ალოეს მშრალი ექსტრაქტი - 0,7გ/50მლ, 96% ეთილის სპირტი, სორბინის მჟავა, გამოხდილი წყალი.

შეიცავს ბიოლოგიურად აქტიურ ნივთიერებათა კომპლექსს: ფერმენტებს, ვიტამინებს, ანტრაგლიკოზიდებს, თავისუფალ ანტრაქინონებს ემოდინს და ქრიზოფანოლს, მიკროელემენტებს და პოლისაქარიდებს.   

აღწერილობა: ღია ყავისფერი სითხე, მწარე გემოთი, დამახასიათებელი სუნით. ჰაერისა და სინათლის გავლენით მუქდება. შენახვისას დასაშვებია ნალექის წარმოქმნა.

ფარმაკოლოგიური მოქმედება:
ალოეს წვენი აუმჯობესებს მადას და აძლიერებს კუჭ-ნაწლავის ტრაქტის ჯირკვლების სეკრეციას. Aანტრაგლიკოზიდი ალოინი, თავისუფალი ანტრაქინონები  ემოდინი და ქრიზოფანოლი, ფისები აღიზიანებს მსხვილი ნაწლავის ქემორეცეპტორებს, რაც განაპირობებს პრეპარატის საფაღარათო მოქმედებას.
ალოე ხასიათდება ანთების საწინააღ¬მდეგო მოქმედებით, აძლიერებს კანის და ლორწოვანი გარსის რეგენერაციულ პროცესებს.
ალოეს წვენი ახდენს ბაქტერიციდულ მოქმედებას კოკებზე, ნაწლავურ ინფექციებზე, დიფტერიის გამომწვევზე.Aალოეს შემადგენლობაში არსებული პოლისაქარიდები, მიკროელემენტებთან, თუთიასთან, სელენთან, სპილენძთან კომბინაციაში უზრუნველყოფს პრეპარატის იმუნომოდულატორულ აქტივობას.

ჩვენება:
•    ქრონიკული ჰიპოაციდური გასტრიტი, ენტეროკოლიტი, ქრონიკული შეკრულობა, უმადობა;
•    ორგანიზმის წინააღმდეგობის უნარის დაქვეითება ინფექციური დაავადებების მიმართ;
•    მწვავე რინიტი;
•    წყლულოვანი სტომატიტი;
•    ჩირქოვანი ჭრილობები, დამწვრობა, ტროფიკული წყლულები, ფურუნკულოზი, დერმატიტები, კანის ტუბერკულოზი, კანის სხივური დაავადებები;
•    საშვილოსნოს ყელის ეროზიები, კოლპიტები.

უკუჩვენება:
•    ჰემორაგიული სისხლდენა, მეტრორაგია (მუცლის ღრუს ორგანოებში სისხლის მიდინების გაძლიერების გამო);
•    ღვიძლის ციროზი, ქრონიკული პანკრეატიტი; აპენდიციტი; კრონის დაავადება, წყლულოვანი ენტეროკოლიტი;
•    დიფუზური გლომერულონეფრიტი;
•    ალერგიული რეაქციები;
•    ორსულობა;

გვერდითი მოვლენები:
•    საფაღარათო ეფექტის მიღების მიზნით ხანგრძლივი და დიდი დოზებით გამოყენებისას, შესაძლოა გამოიწვიოს მსხვილი ნაწლავის პერისტალტიკის დათრგუნვა ლორწოვანი გარსის გაღიზიანების გამო;
•    ალერგიული რეაქციები;
•    საშვილოსნოს ტონუსის მომატება ორსულობის დროს;
 
მიღების წესი  და დოზირება:
მიიღება პერორალურად: 1 ან 2 ჩაის კოვზით 2-3-ჯერ დღეში საკვების მიღებამდე 20- 30 წუთით ადრე. მკურნალობის კურსი 15-30 დღე.
წვეთების სახით: 5-8 წვეთი თითო ნესტოში 2-3-ჯერ დღეში.
გარეგანი ხმარებისათვის გამოიყენება საფენების სახით.
გინეკოლოგიურ პრაქტიკაში - ტამპონების სახით.

ურთიერთქმედება სხვა სამკურნალო საშუალებებთან:
პრეპარატის ხანგრძლივმა გამოყენებამ შეიძლება გამოიწვიოს ორგანიზმის გაღარიბება კალიუმით და საგულე გლიკო¬ზიდების, ანტიარითმიული პრეპარატების მოქმედების გაძლიერება.
თიაზიდურ დიურეტიკებთან, ძირტკბილას პრეპარატებთან და კორტიკოსტეროიდებთან კომბინირებული მიღებისას, იზრდება კალიუმის დეფიციტის განვითარების რისკი.
ალოე აძლიერებს საფაღარათო საშუალებების მოქმედებას.

დოზის გადაჭარბება: დოზის გადაჭარბებისას შესაძლებელია ადგილი ჰქონდეს გვერდითი ეფექტების გაძლიერებას. მკურნალობა სიმპტომურია.

გამოყენება ორსულობისა და ლაქტაციის პერიოდში:
პრეპარატის გამოყენება ორსულობისა და ლაქტაციის პერიოდში არ არის რეკომენდირებული.

ზემოქმედება ავტოტრანსპორტისა და მექანიზმების მართვის უნარზე:
არ ახდენს გავლენას.

გამოშვების ფორმა:
50მლ მინის ან პოლიმერული მასალის ფლაკონებში პოლიეთილენის საცობით და მიხრახნილი სახურავით.

ვარგისიანობის ვადა:  2 წელი.

ვარგისობის ვადის ამოწურვის შემდეგ ან ვიზუალური დათვალიერებისას აღმოჩენილი დეფექტების შემთხვევაში პრეპარატის გამოყენება დაუშვებელია.

შენახვის წესი: ინახება ოთახის ტემპერატურის პირობებში, სინათლისგან დაცულ ადგილზე.

"
Copyright (c) 2010 NEOPHARMI+ LTD - All Rights Reserved