მოგწონთ ნეოფარმის პრეპარატები?
ძალიან კარგია
უკეთესი ჯობია
არ მომწონს
საშინელებაა
» შედეგები
     
პარაცეტამოლი სირ. 24მგ/მლ 100მლ
არანარკოტიკული ანალგეზური, სიცხის დამწევი საშუალება.
სუსპენზია

გაფრთხილება: გამოყენების წინ პრეპარატი გულმოდგინედ უნდა შეინჯღრეს!

აღწერა: ჰომოგენური, ტკბილი, მარწყვის არომატის მქონე მოწითალო ფერის სუსპენზია.

ფორმა: სუსპენზია 24მგ/მლ - 100 მლ პერორალური მიღებისთვის.

ფარმაკოთერაპიული ჯგუფი: არანარკოტიკული ანალგეზური, სიცხის დამწევი საშუალება.
ათქ კოდი: NO2BEO1;

შემადგენლობა: (100 მლ-ზე)
აქტიური ნივთიერება: პარაცეტამოლი – 2,4გ;
დამხმარე ნივთიერებები: საქაროზა, კარბოქსიმეთილცელულოზა, მარწყვის არომატიზატორი, პიგმენტი, გლიცეროლი, პროპილენგლიკოლი, მეთილპარაბენი, გამოხდილი წყალი.

ფარმაკოლოგიური მოქმედება: პარაცეტამოლი წარმოადგენს არანარკოტიკულ ანალგეზურ საშუალებას. მას აქვს ტკივილგამაყუჩებელი, სიცხის დამწევი და უმნიშვნელოდ გამოხატული ანთების საწინააღმდეგო მოქმედება; პრეპარატი არ იწვევს კუჭის ლორწოვანი გარსის გაღიზიანებას. მისი მოქმედების მექანიზმი დაკავშირებულია პროსტაგლანდინების სინთეზის დათრგუნვასთან, უპირატესად ჰიპოთალამუსში ლოკალიზებულ თერმორეგულაციის ცენტრზე ზეგავლენით. პრეპარატი ეფექტურია ტკივილის დროს, რომელიც არ არის ანთებით გამოწვეული.
პარაცეტამოლი სწრაფად შეიწოვება კუჭ-ნაწლავის ტრაქტიდან. პლაზმაში მისი მაქსიმალური კონცენტრაცია აღინიშნება მიღებიდან 30-60 წუთის შემდეგ; პარაცეტამოლის ნახევრადგამოყოფის პერიოდი შეადგენს 1-3 საათს. სისხლის პლაზმის ცილებს იგი უკავშირდება ნაკლები ხარისხით, მეტაბოლიზირდება ღვიძლში. წარმოქმნილი კონიუგატები გამოიყოფა შარდით. ბავშვებში, ახალშობილებსა და მოზრდილებში პარაცეტამოლის ფარმაკოკინეტიკა ანალოგიურია.

 ჩვენებები:  გამოიყენება ბავშვებში 3 თვის ასაკის ზემოთ როგორც:
•    სიცხის დამწევი საშუალება _ მწვავე რესპირატორული დაავადებების, გრიპის, საბავშვო ინფექციების, პოსტვაქცინალური რეაქციების და სხვა მდგომარეობების დროს, რომელთაც თან სდევს ტემპერატურის მომატება.
•    ტკივილგამაყუჩებელი საშუალება – სუსტი და ზომიერი ინტენსივობის ტკივილის სინდრომისას, მათს შორის: თავის და კბილის ტკივილის, მიალგიის, ართრალგიის, ნევრალგიის დროს, ტრავმული და დამწვრობითი ტკივილისას.
 (1-დან 3 თვემდე ბავშვებში გამოყენება დასაშვებია მხოლოდ ექიმ-პედიატრის დანიშნულების მიხედვით)

უკუჩვენებები:
•    ინდივიდუალური მომატებული მგრძნობელობა პრეპარატის რომელიმე კომპონენტის მიმართ.
•    ღვიძლის, თირკმელების ფუნქციის მძიმე დარღვევები.
•    სისხლის სისტემის დაავადებები;
•    გლუკო-6-ფოსფატდეჰიდროგენაზას გენეტიკური დეფიციტი;
•    ერთ თვემდე ასაკი;
•    შაქრიანი დიაბეტი;
•    სიფრთხილით ინიშნება – ღვიძლისა და თირკმელების ფუნქციის დარღვევების, ჟილბერის სინდრომის დროს (კონსტიტუციური ჰიპერბილირუბინემია).

დოზირება და მიღების ხერხები: სუსპენზიის მიღება ხდება პერორალურად ჭამამდე განუზავებელი სახით დიდი რაოდენობით სითხესთან ერთად 3-4 – ჯერ დღეში 4-6 საათის ინტერვალებით.
5 მლ სუსპენზია (1 ჩაის კოვზი) შეიცავს 120 მგ პარაცეტამოლს.
ბავშვებისთვის დოზირება დამოკიდებულია ასაკსა და სხეულის წონაზე.
პრეპარატის ერთჯერადი დოზა შეადგენს ბავშვის სხეულის მასის 10-15 მგ/კგ; მაქსიმალური დღიური დოზაა არაუმეტეს 60 მგ/კგ;
ასაკის მიხედვით ,,პარაცეტამოლის საბავშვო სუსპენზია’’ ინიშნება შემდეგი დოზებით: ბავშვებში 1-დან 3 თვემდე - მხოლოდ ექიმ-პედიატრის რეკომენდაციის მიხედვით; 3 თვიდან 1 წლამდე – 2,5-5 მლ (1/2-1 ჩაის კოვზი) ან 60-120 მგ პარაცეტამოლი; 1-დან 6 წლამდე – 5-10 მლ (1-2 ჩაის კოვზი) ან 120-240 მგ პარაცეტამოლი; 6-დან 14 წლამდე – 10-20 მლ (2-4 ჩაის კოვზი) ან 240-480 მგ პარაცეტამოლი;
მკურნალობის ხანგრძლივობა უნდა იყოს არაუმეტეს სამი დღისა, როცა პრეპარატს ვიყენებთ სიცხის დამწევი საშუალების სახით და არაუმეტეს 5 დღისა – ტკივილგამაყუჩებლად გამოყენებისას.
მკურნალობის გახანგრძლივება შეიძლება ექიმთან კონსულტაციის შემდეგ.

გვერდითი მოვლენები: გულისრევა, ღებინება, ანორექსია, ტკივილი მუცლის არეში, ალერგიული რეაქციები (გამონაყარი კანზე, ქავილი, ჭინჭრის ცხელება, კვინკეს შეშუპება); ლეიკოპენია, აგრანულოციტოზი, თრომბოციტოპენია. ხანგრძლივი გამოყენებისას დიდ დოზებში – ჰეპატოტოქსიური და ნეფროტოქსიური მოქმედება.
 
დოზის გადაჭარბება: კანის საფარველის სიფერმკრთალე, ანორექსია, გულისრევა, ღებინება. 2 დღის შემდეგ მოსალოდნელია ღვიძლის დაზიანების ნიშნების გამოვლენა, რაც დაკავშირებულია ტოქსიკური მეტაბოლიტის დაგროვებასთან, რომელიც პარაცეტამოლის მიღებისას თერაპიულ დოზებში ინაქტივირდება გლუტათიონთან კონიუგაციის ხარჯზე. მძიმე შემთხვევებში ვითარდება ღვიძლის უჯრედების, თირკმელების უკმარისობა და კომატოზური მდგომარეობა. ჭარბი დოზირების შემთხვევაში საჭიროა კუჭის ამორეცხვა, ადსორბენტის დანიშვნა, აცეტილცისტეინის და მეთიონინის შეყვანა.

ურთიერთქმედება სხვა პრეპარატებთან:  აძლიერებს არაპირდაპირი ანტიკოაგულანტების (კუმარინის ნაწარმების) ეფექტს და ჰეპატოტოქსიური პრეპარატებით ღვიძლის დაზიანების ალბათობას. მეტოკლოპრამიდი ზრდის, ხოლო ქოლესტირამინი ამცირებს  მისი შეწოვის ინტენსივობას. ბარბიტურატები ამცირებენ სიცხისდამწევ აქტივობას. სპირტი აჩქარებს პარაცეტამოლის შეწოვას.

გამოშვების ფორმა: 100მლ ნარინჯისფერი მინის ან პოლიმერული მასალის ფლაკონში მჭიდროდ მიხრახნილი სახურავით. თითოეულ ფლაკონს აკრავენ ეტიკეტს და ათავსებენ მუყაოს კოლოფში ინსტრუქციასთან ერთად.

ვარგისიანობის ვადა:  2 წელი.
ვარგისობის ვადის ამოწურვის ან ვიზუალური დათვალიერებისას დეფექტების აღმოჩენის შემთხვევაში პრეპარატის გამოყენება დაუშვებელია.

შენახვის პირობები: ინახება მშრალ, სინათლისაგან დაცულ და ბავშვებისთვის მიუწვდომელ ადგილზე, არა უმეტეს 25°C ტემპერატურის პირობებში.

აფთიაქიდან გაცემის წესი: ფარმაცევტული პროდუქტის ჯგუფი III – გაიცემა ურეცეპტოდ.


"
Copyright (c) 2010 NEOPHARMI+ LTD - All Rights Reserved