ეუტილია მამა N30ტაბ

ომეგა 3-ის (დჰა), ფოლიუმის მჟავის, ვიტამინებისა და მინერალების შემცველი საკვები დანამატი

ორსულობა და ძუძუთი კვება განსაკუთრებით კრიტიკული პერიოდებია კვებითი და დიეტური თვალსაზრისით, რადგან კვება ფუნდამენტურ როლს ასრულებს როგორც დედის, ისე ბავშვის ჯანმრთელობაში. ორსული ქალის ჯანმრთელობის ოპტიმიზაციისა და ჯერ არდაბადებული ბავშვის მალფორმაციების ან დაავადებების რისკის შესამცირებლად, აუცილებელია, რომ დედამ ოპტიმალურ კვებით სტატუსს მიაღწიოს გესტაციურ პერიოდამდე, მის დროს და მის შემდეგ. ეს მოიცავს როგორც ძუძუთი კვებას — რომლის დროსაც კვებითი მოთხოვნები კიდევ უფრო მაღალია, ვიდრე ორსულობისას (Picciano MF, J Nutr 2003;133:1997S) — ასევე აღდგენის ფაზას.

ქალებმა ყოველთვის უნდა დაიცვან მრავალფეროვანი დიეტა, რომელიც აკმაყოფილებს კვებით საჭიროებებს, თუმცა კიდევ უფრო მეტი ყურადღებით ჩასახვიდან ძუძუთი კვების დასრულებამდე, ეროვნული და საერთაშორისო დიეტური რეკომენდაციების (LARN და RDA) შესაბამისად.

ორსულობის მეორე და მესამე ტრიმესტრისთვის დამახასიათებელი გაზრდილი ენერგეტიკული მოთხოვნილება შეფასებულია, როგორც დაახლოებით 300-400 კკალ/დღეში. აღნიშნული შესაძლოა 500 კკალ/დღემდე გაიზარდოს 14 წლამდე ასაკის მოზარდებისთვის. ძუძუთი კვების დროს, მოსალოდნელია კალორიების მიღების ზრდა დაახლოებით 500 კკალ/დღეში.

ჩვეულებრივ, მოხმარებული საკვების რაოდენობის გაზრდა საკმარისია ამ კალორიული საჭიროებების დასაკმაყოფილებლად. ამიტომ, ზოგადად, სათანადო და ადეკვატური კვება საკმარისია ჯანსაღი ორსულობისა და ნორმალური ძუძუთი კვების უზრუნველსაყოფად. აღნიშნულის გარდა არსებობს გარკვეული ნუტრიენტები, რომელთა საკვებიდან მიღებაც შესაძლოა სრულად საკმარისი არ იყოს; ასეთ შემთხვევებში, მიზანშეწონილია შესაბამისი დანამატების მიღება.

EuTylia Mamma არის ომეგა 3-ის (დჰა), ფოლიუმის მჟავის, ვიტამინებისა და მინერალების შემცველი საკვები დანამატი.

• ფოლიუმის მჟავა ხელს უწყობს დედის ქსოვილების ზრდას ორსულობის დროს და ეხმარება ნორმალურ ჰემოპოეზის პროცესს (სისხლწარმოქმნას).
• რკინა ხელს უწყობს სისხლის წითელი უჯრედებისა და ჰემოგლობინის ნორმალურ ფორმირებას.
• ვიტამინი B1 უზრუნველყოფს ნორმალურ ენერგეტიკულ ცვლას, ხოლო ვიტამინები B2, B6 და B12 ხელს უწყობენ სისხლის წითელი უჯრედების ნორმალურ წარმოქმნას.

ფოლიუმის მჟავის დამატებით მიღება ზრდის დედის ორგანიზმში ფოლატების დონეს. დედის ორგანიზმში ფოლატების დაბალი დონე ნაყოფში ნერვული მილის დეფექტების განვითარების რისკ-ფაქტორია.

სამიზნე პოპულაციას წარმოადგენენ რეპროდუქციული ასაკის ქალები, ხოლო სასარგებლო ეფექტი მიიღწევა ფოლიუმის მჟავის 400 მკგ-ის ყოველდღიური დამატებითი მიღებით, ჩასახვამდე სულ მცირე ერთი თვის განმავლობაში და ჩასახვიდან სამ თვემდე პერიოდში.

დედის მიერ დჰა-ს მიღება ხელს უწყობს ნაყოფისა და ძუძუთი კვებაზე მყოფი ჩვილების ტვინისა და თვალების ნორმალურ განვითარებას.

დოზირება: რეკომენდებულია დღეში 1 რბილი კაფსულის მიღება, სასურველია კვებამდე.

შენახვის პირობები: შეინახეთ 12°C-დან 25°C-მდე ტემპერატურაზე, მშრალ ადგილას (ფარდობითი ტენიანობა <50%). მოარიდეთ პირდაპირი სითბოს წყაროებსა და მზის სხივებს. არ შეინახოთ ნესტიან ადგილებში, როგორიცაა სამზარეულო ან სააბაზანო. ვარგისობის მინიმალური ვადა ვრცელდება პროდუქტზე, რომელიც სათანადოდ ინახება გაუხსნელ შეფუთვაში. შეინახეთ პროდუქტი თავისსავე შეფუთვაში. არ შეინახოთ პროდუქტი ისეთ საშიშ ნივთიერებებთან ახლოს, როგორებიცაა ამიაკი, ბენზინი, აცეტონი, აქროლადი ან წვადი ნივთიერებები.

გაფრთხილება:

• შეინახეთ 3 წლამდე ასაკის ბავშვებისთვის მიუწვდომელ ადგილას, შემთხვევითი გადაყლაპვის თავიდან ასაცილებლად.
• არ გადააჭარბოთ რეკომენდებულ დღიურ დოზას.
• საკვები დანამატები არ უნდა განიხილებოდეს, როგორც მრავალფეროვანი, ბალანსირებული კვებისა და ჯანსაღი ცხოვრების წესის შემცვლელი.
• არ გამოიყენოთ, თუ შეფუთვა დაზიანებული ან გაუხსნელია.
• არ არის რეკომენდებული ჩამოთვლილი შემადგენელი ნივთიერებებიდან ერთ-ერთის ან მეტის მიმართ ცნობილი ჰიპერმგრძნობელობის შემთხვევაში.
• ინგრედიენტების ბუნებიდან გამომდინარე, პროდუქტის გარეგნული სახე შეიძლება განსხვავდებოდეს პარტიების მიხედვით და შესაძლოა შესამჩნევი იყოს რბილი კაფსულების ზედაპირული არასრულყოფილება. ეს არ მოქმედებს პროდუქტის ხარისხზე.
• ნაყოფში ნერვული მილის დეფექტების განვითარებაზე გავლენას ახდენს მრავალი ფაქტორი და ერთ-ერთი მათგანის მოგვარებამ შესაძლოა სასარგებლო ეფექტი არ მოგვცეს.
• პროდუქტი განკუთვნილია ზრდასრულებისთვის.